سېرىق چۈرۈك قوغۇن ئاپتونۇم رايۇنىمىزنىڭ يەكەن ، يېڭىشەھەر ناھىيەلىرىدە تېرىپ ئۆستۈرۈلىدۇ . بۇ خىل سورتنىڭ ئۆسۈشى كۈچلۈك ئوتتۇراھال ، ئاساسىي پىلەكنىڭ ئۇزۇنلۇقى 315 سانتىمېتىر ، توملۇقى 1.4 سانتىمېتىر ، شاخلىنىش كۈچى ئوتتۇراھال ، بۇ خىل سورت توشۇشقا بىر قەدەر چىداملىق ، ساقلاشقا چىدامسىز ، كېسەللىككە قارشى تۇرۇشچانلىقى ئاجىز . 

چېچىكى 

بىرىنچى ئاتىلىق گۈل چېچىكى ئاساسى پىلەكنىڭ يەتتىنچى بوغۇمىدا ، بىرىنچى ئانىلىق گۈل چېچىكى ئاساسى پىلەكنىڭ سەككىزىنچى بوغۇمىدىن چىققان يان پىلەكنىڭ بىرىنچى بوغۇمدا ئۆسىدۇ . ئانىلىق گۈل ئېچىلىپ 42 كۈن بولغاندا مېۋىسى پىشىدۇ ، گۈلى قوش جىنىسلىق .